خبر:

سیمې ته د خپل سفر په دوام، د افغانستان لپاره د امریکا د متحده‌ایالاتو ځانګړی استازی ټوماس وېسټ روانه اوونۍ هند او بیا متحده‌عربي اماراتو ته ځي، چېرته چې له وړاندې د افغانستان پخوانی جمهور رییس حامد کرزی، پخواني وزيران او افغان سياسيون عمر زاخېلوال، کریم خرم او اوس د طالبانو حکومت د دفاع وزیر ملا محمد یعقوب مجاهد اماراتو ته تللي دي. د امریکا د بهرنیو چارو وزارت تېره اوونۍ د ټوماس وېسټ د دغه سفر په اړه ویلي و؛ چې هغه به په خپل دې سفر کې د بېلابېلو هېوادونو له چارواکو سره د افغان کډوالو د بشري حقونو، سوداګرۍ، د بیان ازادۍ او نورو ننګونو د حل په څرنګوالي خبرې اترې وکړي. د یادولو وړ ده چې وېسټ جاپان ته هم تللی او په دې اړه یې ويلي؛ چې په افغانستان کې له خپلو متحدانو سره په ګډ کار کې د هر ډول ننګونو په وړاندې پیاوړي دي.

«سرچينه: آزادي راډیو»

تبصره:

درې ځله د انګريزانو ماتې، بيا د شوروي ماتې او دا ځل د امريکا او ناټو ماتې، افغانستان کفري نړۍته پر یوه سياه‌چال بدل کړی او نه پوهېږي چې په راتلونکي کې به هغوی ته له دغې سيمې کومې ستونزې راټوکېږي. له همدې امله امريکا له اسلامي امارت سره د مطلقې انزوا او تحریم پر ځای د تعامل سیاست غوره کړی، چې د ټوماس وېسټ یاد سفرونه هم د همدغه سياست د عملي کولو یوه برخه دي.

امريکا له یوې خوا غواړي چې افغانستان د خپلو نړيوالو رقيبانو؛ چین او روسيې غېږې ته ونه لوېږي، له بل پلوه له دې سخت وېرېږي چې د افغانستان پر محوريت یو ستر اسلامي دولت چې منځنۍ آسیا له جنوبي آسيا سره یو ځای کړي رامنځ ته نشي او دې ته ورته له هغو نړيوالو مجاهدينو څخه هم اندېښنه لري‌ چې له افغانستان څخه د امريکا او ناټو پر اهدافو باندې بریدونه کوي. نو ځکه په دوامداره توګه هڅه کوي، ترڅو په افغانستان کې خپل سياسي، اقتصادي، استخباراتي او فرهنګي نفوذ پیاوړی کړي.

امريکا د خپلو عامه افکارو د مراعاتولو له امله غواړي په افغانستان کې خپل دغه نفوذ په اسلامي خاورو کې د خپلو لاسپوڅو حکومتونو او یو شمېر متحدينو له لارې تامين کړي. د دغو لاسپوڅو اساسي لوبغاړي، قطر، پاکستان، ازبکستان، ترکيه، عربي متحده امارات، سعودي او همداراز د هغې متحدین؛ اروپايي هېوادونه، هند، جاپان او دې ته ورته هېوادونه دي.

امریکا د تعامل له لارې غواړي، اسلامي امارت په تدريجي ډول نړيوالو کفري ارزښتونو، قوانينو او بنسټونو ته تسليم کړي، چې څه موده وړاندې دغې چارې ته د امريکا د بهرنيو چارو وزارت ویاند، نډ پرایس «سمې لارې ته د طالبانو برابرول» ويلي وو. یعنې د سیکولرېزم، سیکولر نړیوال نظم او لیبرال ارزښتونو لارې ته، ترڅو اسلامي امارت هم د اسلامي خاورو د نورو لاسپوڅو حکومتونو په څېر له خپلو ګټو سره همغږی کړي.

له افغانستان څخه د امريکا او ناټو د ځواکونو وتل هېڅکله په دې معنی نه وو، چې امريکا به له افغانستانه لاس اخلي، بلکې هغوی په نظامي ډګر کې له افغانستانه ووتل، خو په سياسي، اقتصادي، استخباراتي او فرهنګي برخه کې په تدريجي ډول بېرته راګرځېدلي دي. له همدې امله موږ په ډاګه د اسلامي امارت مجاهدینو ته د دې خبرداري ورکول چې امريکا د دوحې د تړون په واسطه یوازې غواړي د خپل تاريخ تر ټولو اوږده جګړه پای ته ورسوي، ترڅو په نړيواله کچه د چين او روسيې د تهديدونو مهارولو ته وزګار شي.

اسلامي امارت باید د امريکا او غرب د تعامل (تطمیع او تنبيه) دغه خبيث سياست دقیق درک کړي او د خطرونو پر وړاندې یې پیاوړي ګامونه پورته کړي. هغه داسې چې نور باید په دغه نړيوال نظم کې ونه لوبېږي، بلکې د نوي نړيوال نظم د رامنځ ته کولو لپاره پر اسلامي امت، د هغه پر استعدادونو او د اسلامي خاورې پر جغرافیه، جيوپوليتيک موقعیت او زیرمو تمرکز وکړي، ترڅو د ستر اسلامي دولت (راشده خلافت) د رامنځ ته کېدو لپاره لاره اواره کړي. هغه مهال به خلافت په خپل ميدان کې د دوی لوبول پيل کړي او د بشريت د هدايت پر وړاندې چې هر څوک مادي خنډ کيږي، هغه به د راشده خلافت د بهرني سياست (دعوت او جهاد) په واسطه له مخې ليرې کيږي او اسلامي امت به یو ځل بيا خپل اصلي رسالت چې د کفر او پانګوالي دجال د تورو تيارو څخه د اسلام نور ته د بشریت هدایت دی، اوږه ورکړي، ترڅو په آخرت کې جنت ته د ډېرو انسانانو د تلو او له دوزخ څخه د خلاصون سبب شي.

سیف الله مستنیر

د حزب التحریر - ولایه افغانستان د مطبوعاتي دفتر رییس